ခရစ်ယာန်ဘာသာ

ခရစ်ယာန်ဘာသာ

တည်ထောင်သူ
-ဂျူးလူမျိုး၊ ယေရှုခရစ်တော်။

မွေးဖွားသည့်နှစ်
-ဘီစီ ၄ ခန့်။

တည်ထောင်သည့်နှစ်
-သက်တော် ၃၀ (အေဒီ ၂၇ ခန့်)။

ကွယ်လွန်သည့်နှစ်
-သက်တော် ၃၃ (အေဒီ ၃၀ ခန့်)။

စတင်ပေါ်ပေါက်ရာဌာန
-ပါလက်စတိုင်းပြည်။

ဘာသာ၏ အထွတ်အထိပ်ပုဂ္ဂိုလ်
-ထာဝရဘုရားသခင်။

ပဓာနကျမ်းဂန်
-သမ္မာကျမ်းစာ (ဓမ္မဟောင်းနှင့် ဓမ္မသစ်)။

အခြေခံ ယုံကြည်ချက်များ     ကမ္ဘာ လောကကြီးနှင့်တကွ သတ္တဝါများကို ထာဝရဘုရားသခင်က ဖန်ဆင်းသည်။ ထာဝရဘုရားသခင်သည် တဆူတည်းသော ဘုရားဖြစ်သည်။ ခမည်းတော်ဘုရား၊ သားတော်ယေရှုခရစ်ဘုရား အပြင် သန့်ရှင်းသော ဝိညာဉ်တော် ဘုရားရှိသည်ဟု ယုံကြည်ကြသည်။ ခမည်းတော် သားတော် သန့်ရှင်းသော ဝိညာဉ်တော် သုံးပါးစလုံးသည် တဆူတည်းသော ထာဝရဘုရားသခင် ဖြစ်သည်ဟု ခံယူကြသည်။

ခရစ်တော်သည် လက်ဝါးကပ်တိုင်၌ အသေသတ်ခြင်းကို ခံတော်မူပြီးနောက် ၃ ရက် မြောက်သောနေ့၌ ရှင်ပြန်ထမြောက်တော်မူသည်။ ကောင်းမှု မှန်သမျှ လိုက်လံ နှောင့်ယှက်သော စာတန်မာရ်နတ် ရှိသည်။ တရားဆုံးဖြတ်သောနေ့တွင် ဘုရားသခင်က အပြစ် ရှိသူများကို ငရဲခံစေပြီးလျှင် အပြစ် ကင်းသူများကို ကောင်းကင်ဘုံ ချမ်းသာကို ဝင်စားစေမည်ဟု ယုံကြည်ကြသည်။

ခရစ်ယာန်ဘာသာနှင့် ဂျူးဘာသာ ဆက်စပ်ပုံ     ခရစ်ယာန် ဘာသာ၏ ဓမ္မဟောင်းကျမ်းနှင့် ဂျူးဘာသာတို့သည် အခြေခံအားဖြင့် တူညီကြသည်။ [ အထူးသဖြင့် ထာဝရဘုရားသခင်၏ ပညတ်တော်များ၊ ပရောဖက် တို့၏ ဟောကြားချက်များ၊ ဆာလံကျမ်း ကဲ့သို့သော ထာဝရဘုရားသခင်၏ ဂုဏ်တော်ချီးမွမ်းခြင်းများ ပါရှိသည်။ ]

သို့ရာတွင် ခရစ်ယာန်ဘာသာ၏ သမ္မာကျမ်းတွင် ဓမ္မဟောင်းကျမ်း အပြင် ဓမ္မသစ်ကျမ်းလည်း ပါဝင်သည်။ ဓမ္မသစ်ကျမ်း၌ ခရစ်တော်ယေရှု ၏ ဟောကြား သွန်သင်ချက်များ ပါရှိ၍ ဓမ္မဟောင်းကျမ်းမှ ပညတ်သဘောများကို ပိုမို လေးနက်ပီပြင်စွာ ကျင့်ဆောင်နိုင်ကြစေရန် သွန်သင်ထားသည်။ အထူးသဖြင့် ပညတ်သဘောထက် မေတ္တာသဘော ပို၍ သက်ရောက်စေရန် ဖော်ပြသည်။ သည်းခံခြင်း၊ ခွင့်လွှတ်ခြင်း စသော ဂုဏ်ကျေးဇူးတရားကို ပိုမို ပေါ်လွင်စေသည်။

ပေါ်ပေါက်လာပုံ     ဂျုဒနိုင်ငံ သို့မဟုတ် ပါလက်စတိုင်း နိုင်ငံသည် ရှေ့ဂျူး ဘာသာ အခန်း၌ ဖော်ပြခဲ့သည့် အတိုင်း နိုင်ငံခြား အုပ်စိုးမှုအောက်သို့ မကြာခဏ ရောက်ရ၏။ ယေရှု မပေါ်မီ ၆၃ နှစ်က စ၍ ရောမတို့ လက်သို့ ပါလက်စတိုင်း နိုင်ငံ ကျရောက်ခဲ့ရာ ယေရှု ပေါ်ပေါက်ချိန်၌ ရောမ ဘုရင် ဩဂတ်စတတ်ဆီဇာ အုပ်ချုပ်နေချိန် ဖြစ်၏။ သို့သော်လည်း ဘုရင်ခံထား၍ အုပ်ချုပ်ခြင်းဖြစ်၏။ ထို့ကြောင့် မြောက်ပိုင်း ပါလက်စတိုင်း၌ ပွန်းတီးယတ်ပီလိတ် ဘုရင်ခံက အုပ်ချုပ်၏။

ခရစ်တော် ဖွားမြင်ရာ ကာလသည် ဘာသာရေးအခြေအနေအရ သမ္မာကျမ်းစာအဆိုအတိုင်း ဘုရားသခင်က စေလွှတ်လိုက်မည်ဆိုသော ကယ်တင်ရှင် ရောက်ခါနီးပြီဆိုကာ လူတို့ မျှော်နေကြသော အချိန်ဖြစ်၏။ ဂျေရုဆလင် မြို့အတွင်းရှိ ဘုရားသခင်၏ စံကျောင်းတော် အတွင်း၌မူ ကုန်သည်များ၊ စားလမ်းပွင့်နေကြသော တာဝန်ရှိ ဘုန်းကြီးများ၊ ငွေ လဲလှယ်သူများ၊ လောလောလတ်လတ် ယဇ်ပူဇော်လိုသော ဘုရားဖူးများ အလွယ်တကူ ဝယ်ယူ ပူဇော်နိုင်ရန် သိုး၊ ဆိတ်၊ နွား ရောင်းသူများဖြင့် ရှုပ်ပွေနေကာ စိတ်ပျက်စရာ အချိန်ကာလ ဖြစ်နေပေပြီ။

အပျိုစင်မှ သားမွေး     ထိုအချိန်တွင် ဘက်သလီဟမ်မြို့မှ လက်သမားဆရာ ဂျိုးဇက် နှင့် ဇနီး မာရီတို့မှ ယေရှုခရစ်ကို ဖွားမြင်၏။ ယေရှုကို ဖွားသောအခါ တည်းခိုဇရပ်တွင် နေရာ မရနိုင်သဖြင့် သူငယ်တော်ကို နွားစာခွက်တွင်သိပ်ထားရသည်။ မာရီသည် သူ့ခင်ပွန်းသည် ဂျိုးဇက်နှင့် မပေါင်းရသေးမီကပင် သန့်ရှင်းသော ဝိညာဉ်တော်၏ တန်ခိုးတော်ကြောင့် ပဋိသန္ဓေ စွဲခဲ့ပြီးလျှင် ယေရှုကို ဖွားခြင်းဖြစ်၏။

ဟဲရဒ် ဘုရင်သည် မင်းလောင်းပေါ်သည်ဟု ကြားရသဖြင့် တိုင်းပြည်အတွင်းရှိ ၂ နှစ်အရွယ် ကလေးများကို သတ်စေအမိန့် ထုတ်၏။ ဂျိုးဇက်တို့ ဇနီးမောင်နှံမှာ အိပ်မက်အရ ကြိုတင် သိသဖြင့် သားကလေးကို ချီကာ အီဂျစ် ပြည်သို့ ပြေးကြ၏။ မကြာမီပင် ဟဲရဒ်ဘုရင် နတ်ရွာစံလေ၏။ ဤသတင်းကို ဂျိုးဇက်တို့ ကြားသိသောအခါ ပါလက်စတိုင်းသို့ ပြန်လာပြီးလျှင် ဂယ်လီလီနယ်ရှိ နာဇရက်မြို့၌ အခြေချကာ နေကြ၏။

ဂျွန်နှင့် ယေရှု တွေ့ဆုံခြင်း     ယေရှု၏ အလုပ်ကား သူ့ဖခင်လိုပင် လက်သမား အလုပ်ဖြစ်၏။ အသက် ၃၀ ရောက်သောအခါ ဘက်ပတစ်ဂျွန်ထံ ရေနှစ်ခံရအောင်သွားခဲ့၏။ ထိုအချိန်သည် ဂျူးဘာသာဝင်တို့ အထဲမှ တမန်တော်ဘက်ပတစ်ဂျွန်သည် ကယ်တင်ရှင် လာတော့မည်ဖြစ်ကြောင်းကြေငြာဖို့ ပြင်ဆင်နေချိန် ဖြစ်၏။ တနေ့တွင် ဂျော်ဒန် မြစ်ကမ်းပါး၌ လူအများကို ရေနှစ်မင်္ဂလာ ပြုပေးရန် ပြောသောအခါ ဂျွန်က "သင့်ကို ရေနှစ်မင်္ဂလာ ပြုမပေးနိုင်၊ သင်ကသာလျှင် ကျွန်ုပ်ကို ရေနှစ်မင်္ဂလာ ပြုပေးရမည် ဖြစ်ပါသည်" ဟုပြော၏။ သို့သော်လည်း ယေရှု၏ တောင်းပန်မှုကြောင့် ယေရှုအား ဂျွန်က ရေနှစ်မင်္ဂလာ ပြုပေးလိုက်၏။

ယေရှု အိမ်ပြန်ရောက်သောအခါ နေ့စဉ် တယောက်တည်း သဲကန္တာရထဲသို့ သွား၍ တရားထိုင်၏။ သဲကန္တာရထဲမှ ပြန်လာသောအခါ ယေရှု၏ နှလုံးသားသည် လူသားအချင်းချင်း ညီရင်းအစ်ကိုသဖွယ် ချစ်ခင်ရေး၊ တရားမျှတရေး၊ ငြိမ်းချမ်းရေးတို့ဖြင့် ပြည့်နေ၏။

တကိုယ်တော် တော်လှန်ရေး     ပဆိုဗာပွဲတော် နီးကပ်နေသဖြင့် ယေရှုသည်ဂယ်လီလီ၌ ကြာကြာမနေပဲ ဂျေရုဆလင်သို့သွားပြန်၏။ မြို့တော်အတွင်းဘုရားသခင်၏ ကျောင်းတော်ကြီးသို့ ရောက်သောအခါ ရှေးကလိုပင် နွားများ၊ သိုးများ၊ ဆိတ်များ၊ ကုန်သည်များ ငွေ လဲလှယ်သူများနှင့် ရှုပ်ထွေး ပွေလီနေသည်ကို တွေ့ရပြန်၏။

ကျောင်းတော်ကြီး၏ ဂုဏ်သိက္ခာ၊ ဘုရားသခင်၏ အသရေတော်နှင့် မလျော်သော ထိုမြင်ကွင်းကို သည်းမခံနိုင်သော ယေရှုသည် မြေပေါ်တွင် ကျနေသည် ကြိမ်တံပြာ တချောင်းကို ကောက်ကိုင်လိုက်ပြီးလျှင် ထိုသို့ မတော် မတရား ပြုသူများကို ရိုက်နှက် မောင်းထုတ်ပစ်လိုက်၏။ ငွေ လဲလှယ်သူတို့၏ စားပွဲများကိုလည်း တွန်းလှဲပစ်လိုက်၏။

တရားစတင်ဟောခြင်း     ပဆိုဗာပွဲပြီး၍ အိမ်ပြန်ရောက်သောအခါ ယေရှုသည် သဲကန္တာရထဲမှ သူဆင်ခြင်ခဲ့သော တရားကို နာဇရက်မြို့၌ လူအများအား ဟောကြားလေ၏။ လက်သမားသား ဟောသော တရားကို အရေးမထားရုံမျှမက သရော်လှောင်ပြောင် ပြုလုပ်ကြ၏။ သို့ဖြင့် ယေရှုသည် ဂယ်လီလီကန်ကြီး၏ အနီး၌ရှိသော ကပါနောင် တံငါရွာသို့ သွားပြီးလျှင် သူ့တရားကို ဆက်လက်ဟောကြားခဲ့၏။ မကြာခဏ ရေအိုင်ဆီသို့ သွားကာ တံငါများကို တရားဟောလေ၏။

ယေရှု၏ ဂုဏ်သတင်းမှာ တဖြည်းဖြည်း ရွာအနှံ့ မြို့အနှံ့ ကျော်စောလာ၏။ ထို့ကြောင့် တရားနာရန်နှင့် ယေရှုထံမှအကူအညီတောင်းရန် ကပါနောင် တံငါရွာကလေးသို့ လာရောက်ကြသူများမှာ တနေ့ထက် တနေ့ များပြားလာ၏။

တောင်ပေါ်မှ တရား     တနေ့တွင် ရေအိုင်ကြီး၏ တောင်ကုန်းတခုပေါ်တွင် ကြီးမားလှသော လူစုလူဝေးကြီး ဖြစ်နေရာ ထိုလူထုကြီးအား ယေရှုက ထင်ရှားကျော်ကြားသော တရားကို ဟောလေ၏။ ထိုတရားသည် "တောင်ပေါ်မှ တရား" ဟု ထင်ရှား၏။ ထိုတရား၌ လူသားအချင်းချင်း ငဲ့ညှာရေး၊ သနားကြင်နာရေး၊ သည်းခံရေး၊ စိတ်ကောင်းထားရး သဘောတရားများကို အခြေခံထား၍ ဟောကြားခြင်း ဖြစ်ရာ အချို့သော နေရာများ၌ ဓမ္မဟောင်းကျမ်း၌ ပါဝင်သော ပညတ်များနှင့် ဆန့်ကျင်နေသည်က များ၏။

ရန်သူ့မြေသို့     ယေရှုသည် ရန်သူများရှိရာ ဂျေရုဆလင်သို့ နောက်ပါ အခြံအရံများနှင့်အတူ ထွက်ခွာသွားလေ၏။ သူနှင့် အကြီးမားဆုံး ပဋိပက္ခဖြစ်နေသူမှာ ကုန်သည်ကြီးများ၊ ထင်ရှားသည့် ဘာသာရေး ခေါင်းဆောင်များ၊ ဖာရီရှဲ ခေါ်သည့် သမာရိုးကျကို အစွဲကြီးသော ဘုန်းတော်ကြီးများ ဖြစ်ကြ၏။ သူသည် ဂျေရုဆလင် အနီးမှ တီသနီ မြို့ကလေး၌ နေလျက် ဂျေရုဆလင် မြို့သို့ကြွ၍ တရားဟောလေ့ ရှိ၏။

သစ္စာဖောက်     ကျင်းပတော့မည့် ပဆိုဗာပွဲတော် မတိုင်မီ တညတွင် တပည့်တယောက်၏ အိမ်၌ လက်ရွေးစင်တပည့် ၁၂ ယောက်နှင့်အတူ ညစာ စားကြပြီးနောက် မြို့ပြင်ရှိသွားနေကျ ဥယျာဉ်သို့ သွားကြ၏။ ဥယျာဉ်သို့ရောက်၍ မကြာမီပင် တပည့်ကြီးများ အိပ်ပျော်ကုန်ကြ၏။ ဂျုဒအစ္စကယ်ရီရော့ အမည်ရှိ တပည့်ကြီးမှ တပါး တပည့် ၁၁ ယောက် သူနှင့်အတူရှိနေ၏။  ဂျုဒအစ္စကယ်ရီရော့ မှာမူ ညစာစားပြီး ခပ်စောစောကပင် တနေရာသို့ ထွက်သွား၏။ သူ့ကို ရည်ရွယ်၍ပင် "သင်တို့ထဲက တယောက်ယောက် ငါ့ကို သစ္စာဖောက်လိမ့်မယ်" ဟု ညစာ စားပွဲ၌ ယေရှုက ပြောခဲ့၏။

နောက်ဆုံးည     ည သန်းခေါင်ကျော် အချိန်တွင် ဥယျာဉ်တွင်းသို့ အကြီးအကဲတို့ စေလွှတ်သောသူနှင့် စစ်သည်များသည် မီးတုတ်များနှင့် လက်နက်များ ကိုင်ဆောင်ကာ ဝင်လာကြ၏။ သူတို့ကို တပည့်ကြီး ဂျုဒအစ္စကယ်ရီရော့ကခေါ်လာခြင်းဖြစ်၏။ ယေရှုက ထ၍ တွေ့သောအခါ ရန်သူများက ယေရှုကို ဖမ်းဆီး၍ လက်ပြန်ကြိုးတုပ်လိုက်ရ၏။ ထို့နောက် နာယက ဘုန်းကြီးကျောင်းသို့ ခေါ်သွားပြီးလျှင် ဘုရားသခင်ကို ပုတ်ခတ်ဟောပြောပြစ်၊ ဘာသာတရား ပုတ်ခတ်ဟောပြောပြစ် တို့ဖြင့် စွပ်စွဲ စစ်ဆေး နှိပ်စက်ကြ၏။

နံနက်လင်းသောအခါ ဂျူး ဘာသာတရား၌ စိတ်လည်း မဝင်စား၊ ယေရှုတွင် အပြစ်လည်း မတွေ့၍ လွှတ်ပစ်လိုသော ဘုရင်ခံ ပီလိတ်ကို ဘုန်းကြီးများ မရမနေ သေဒဏ် အမိန့် အချ ခိုင်းကြ၏။ ပီလိတ်လည်း သေဒဏ် အမိန့်ချလိုက်၏။

ဤသို့လျှင် ယေရှု ခရစ်တော်သည် ဘာသာတရားကို ဗန်းပြကာ စားလမ်းထွင်နေကြသော လူကြီးလူကောင်း ဆိုသူများနှင့် ဘုန်းကြီးများ၏ လက်ချက်ဖြင့် ခရစ်ယာန် သာသနာပြုသက် ၃ နှစ်မျှသာ ရသေးသည့် အချိန်တွင် လက်ဝါးကပ်တိုင်၌ ရိုက်ထားလျက် အသေသတ်ခြင်းကို ခံတော်မူရရှာလေသည်။ ထို့နောက် ၃ ရက်မြောက်သောနေ့တွင် ဘုရားသခင်၏ အကြံတော်အတိုင်း သေခြင်းမှ ထမြောက်တော်မူ၍ ကောင်းကင်ဘုံသို့ ကြွတော်မူသည်ဟု ကျမ်းစာတွင် ပြဆိုထားပေသည်