ဗုဒ္ဓ ဘာသာ
တည်ထောင်သူ
-ဗုဒ္ဓမြတ်စွာဘုရား
ဖွားတော်မူသည့်နှစ်
-ခရစ်မပေါ်မီ ၆၂၄ (ဘီစီ ၅၆၃ တဝါဒ)။
တည်ထောင်သောနှစ်
-ခရစ်မပေါ်မီ ၅၈၉ (ဘီစီ ၅၂၈ တဝါဒ)။
ပရိနိဗ္ဗာန် စံသည့်နှစ်
-ခရစ်မပေါ်မီ ၅၄၄ (ဘီစီ ၄၈၃ တဝါဒ)။
စတင်ပေါ်ပေါက်ရာဌာန
-အိန္ဒိယပြည်။
ဘာသာ၏ အထွတ်အထိပ်ပုဂ္ဂိုလ်
-ဗုဒ္ဓမြတ်စွာဘုရား။
ပဓာနကျမ်းဂန်
-နိကာယ်ငါးရပ်၊ ပိဋကသုံးပုံ။
အခြေခံ ယုံကြည်ချက်များ ကမ္ဘာလောကကို ဖြစ်စေ၊ သတ္တဝါကို ဖြစ်စေ၊ ဖန်ဆင်းသူ တန်ခိုးရှင်မရှိ။ ကမ္ဘာလောကရော သတ္တဝါများပါ သက်ဆိုင်ရာ အကြောင်းများကြောင့် ဖြစ်ပေါ်လာကြသည်။ သက်မဲ့လောက၊ သက်ရှိလောက နှစ်ခုလုံး အကြောင်းကြောင့် ဖြစ်ပျက်နေကြသော ရုပ်အစဉ် နာမ်အစဉ် များသာ ဖြစ်သည်။ တည်မြဲသော ပုဂ္ဂိုလ် သတ္တဝါ မရှိ၊ အတ္တ မရှိ။ ရုပ်နာမ် မှန်သမျှ ဖြစ်ပြီးလျှင် တစက္ကန့်တောင်မှ တည်တဲ့မနေပဲ ချက်ချင်း ပျက်စီးသွားကြ၍ မမြဲသော သဘော၊ မကောင်းသော သဘော၊ အခိုင်အမာ အနှစ်အသား မဟုတ်သော သဘောချည်း ဖြစ်ကြသည်။
သတ္တဝါတိုင်း မိမိ အလုပ်အားလျော်စွာ အကျိုးရကြသည်။ ကောင်းတာလုပ်လျှင် ကောင်းကျိုး ခံစားရသည်။ ဆိုးတာလုပ်လျှင် ဆိုးကျိုး ခံစားရသည်။
သတ္တဝါသည် တဘဝတည်းဖြစ်သည် မဟုတ်၊ ဘဝပေါင်းများစွာ ဖြစ်သည်။
ဆင်းရဲ၊ ဆင်းရဲ၏ အကြောင်း၊ ဆင်းရဲငြိမ်းခြင်း၊ ဆင်းရဲငြိမ်းကြောင်း အကျင့်လမ်းဟု အမှန်တရား လေးပါးရှိသည်။
ပေါ်ပေါက်လာပုံ အခန်း(၁) နှင့် အခန်း(၂) ကို ပြန်ကြည့်ပါ
No comments:
Post a Comment